Audizio bideo indibidualak izan behar dira, laburrak, gehienez 2 minutuko iraupena dutenak.
Bi bideo aurkeztu behar dira:
Euskaraz izango da eta gehienezko iraupena: 1 minutu.
Honako hauek jaso behar ditu:
Izen-abizenak eta deskribapen laburra.
Musika-gustuak.
Deialdian parte hartzeko motibazioak.
Bost gau eta sei eguneko egonaldian, 24 orduz musika bete-betean arituko zara. Zu bezain gogotsu dauden musikariak ezagutu, norbere dohainak landu eta sormenari bidea emateko aukera izango duzu.
Euskal Herriko zein nazioarteko musika-eszenan aktibo dauden musikari eta profesional ezberdinen eskutik lehen eskuko ezagutza jasoko duzu. Egonezin ezberdinei erantzunez, zuzeneko klaseak eta hitzaldiak jasoko dituzu.
Musika jarduerez gain, eskolaz kanpoko ekintza ugari izango dira Lauaxetako monitore talde baten eskutik: kirola, arte-disziplina ezberdinak, gaubelak, talde dinamikak...
Ekimen guztia Lauaxeta ikastetxeko instalazioetan garatuko da, hartarako egokituko diren espazioetan.
