Señeak kanpusa gazteen sormenari eta musika-zaletasunei bultzada emateko sortu da. Bost gau eta sei eguneko egonaldia izango da Zornotzako Lauaxeta ikastolan. Aste horretan, gazteek euskal artista ezagunekin ikasiko dute eta erreferenteen zuzeneko prestakuntza jasoko dute. Ordutegia 9:00etatik 18:00etara izango da; goizez klase instrumental eta teorikoak jasoz, eta arratsaldez talde-entseguak, jolas-jarduerak eta arte-sorkuntzako tailerretan parte hartuz. Euskal musika- eta kultura-tradizio aberatsean oinarrituta, programa honek parte-hartzaileen talentu sortzailea bultzatu nahi du.
Bost gau eta sei eguneko egonaldian, 24 orduz musika bete-betean arituko zara. Zu bezain gogotsu dauden musikariak ezagutu, norbere dohainak landu eta sormenari bidea emateko aukera izango duzu.
Euskal Herriko zein nazioarteko musika-eszenan aktibo dauden musikari eta profesional ezberdinen eskutik lehen eskuko ezagutza jasoko duzu. Egonezin ezberdinei erantzunez, zuzeneko klaseak eta hitzaldiak jasoko dituzu.
Musika jarduerez gain, eskolaz kanpoko ekintza ugari izango dira Lauaxetako monitore talde baten eskutik: kirola, arte-disziplina ezberdinak, gaubelak, talde dinamikak...
